Uyu munsi kuwa kane tariki 12 Gashyantare 2021, mu Rwanda habonetse abantu 259 bakize icyorezo cya COVID19 bituma umubare w’abamaze gukira ugera ku 13,937 bangana na 81%, abantu batanu nibo bahitanywe n’iki icyorezo, bituma umubarew’abamaze gupfa bose bagera kuri 236.
Minisiteri y’Ubuzima yatangaje ko abarwayi bashya babonetse ari 132 batumye umubare w’abamaze kurwara Covid-19 ugeraku 17,200 barimo 3,027 bakirwaye barimo 16 barembye.
Aba barwayi bashya muri bo abo mu mujyi wa Kigali ni 25, Kayonza 12, Nyaruguru 11, Gisagara 10, Nyamagabe 10, Muhanga 9, Karongi 7, Ruhango 7, Nyagatare 6, Kirehe 5, Ngoma 5,Ngororero 5, Gatsibo 5, Kamonyi 3, Rusizi 3, Rwamagana 3, Gicumbi 2, Gakenke 2, Huye 2, Rulindo 1 na Nyamasheke 1.
Ababuze ubuzima bwabo uko ari batanu ni abagabo b’imyaka 86, 82, 68, 63 bo mu mujyi wa Kigali n’undi wa 54 wo mu karere ka Kayonza.
Imibare y’abamaze kugaragaramo Covid-19 yabonetse mu bipimo 938,902 birimo 4,230 byafashwe mu masaha 24 ashize.
Kugeza ubu ku isi abamaze kwandura Covid-19 bararenga miliyoni108, abasaga miliyoni 80 bamaze kuyikira mu gihe abo yishe barenga 2,388,000.
NIKUZE NKUSI Diane
